BigLove Day （大愛同盟音樂會）
- Make Love Your Big Day 大愛當做日 -

這段日子，本地平權運動風起雲湧，風浪未完，戰事才剛剛開展！

大愛同盟自年初正式成立，一直忙於部署、應變，和整合內部組織架構，還未有機會和大家正式會面。

現向大家正式宣布，BigLove鐵定4月1日舉行首次公開活動，於香港文化中心露天廣場舉行免費小型音樂會暨成立大典，屆時一眾大愛核心成員和義工（BigLoveArmy）將同各位見面！明哥和HOCC獻唱之餘，還有特別嘉賓專誠前來為平權撐場！

當天不單是復活節假期，也適逢是張國榮的十周年忌辰，讓我們一起在哥哥的經典和自由的歌聲中，為未來顛簸迂迴的平權路譜上解禁的異色！

代表同志的顏色是彩虹六色，然而大愛同盟相信愛是不分攣直。只要你相信普世人權價值、平等理念，深信人人生而有愛的權利和尊嚴，當日，請穿上彩虹六色的任何一色，一同加入大愛的懷抱！

日期：2013-04-01
時間：3:00-4:30pm （2：30pm可以黎攤檔影相架喇！）
地點：尖沙咀香港文化中心露天廣場c區 （即長樓梯對開處）
費用：全免
衣飾：彩虹六色任何一色（紅、橙、黃、綠、藍、紫）
嘉賓分別有：黃家強、周國賢、鍾氏兄弟、彩虹之約的代表（基恩之家的黃國堯牧師、中大酷兒團契的陳嘉），陣容強大，大家不容錯過呀！另外，新任平機會主席周一嶽亦會到場，仲有一班支持同志的議員現身添！

仲有啲溫馨提示畀大家：

1）惡劣天氣安排
呢兩日落雨落得好犀利，不過大家可以放心，大愛同盟決定風雨不改！但係，萬一如果真係咁冇唔好彩有黑色暴雨警告，活動先會取消。當日正午12點會喺Facebook Page 同埋Event Page 通知大家，所以記得留意我地Page嘅最新消息！

2）記得帶雨衣同膠地布，盡量唔好帶遮
由於場地唔算大，我地希望可以容納到多啲觀眾之餘，大家都睇得開心啲。當日好有可能會落雨，所以希望大家自備雨衣，咁就唔使個個都開住雍擋到身後既觀眾；況且著雨衣睇Show，席地而坐都唔怕整濕衫褲呀嘛，記得帶埋膠地布墊地下喎～

3）早啲黎我地既攤檔！
雖然音樂會3點先開始，但我地當日都會有許願樹同埋影靚相既攤檔，義工團隊花左唔少時間設計啲精美影相框畀大家，所以到時候早啲到（2：30pm）影下相，可以為Big Love、為你地自己留個紀念，當然仲可以霸個靚位睇Show啦;)

4）大家一齊發揮強大的精神念力，祈求星期一天公造美，我地可以享受呢個大愛當做日：）

大家記得記得記得搵多啲多啲朋友到時早啲黎捧場喇！